Karadaku

Ky vend quhet Karadak – Çdo pëllëmbë toke është larë me gjak !
Karadaku – Male t’ Zeza – Ka rritë trima ndër shumë breza !

Ka rritë trima për bajrak ,
Ka pas burra për konak !
N’ këtë malësi në Karadak –
Ka pas djem për pushkë e çark !
N’ këtë malësi të Karadakut –
S’ ka shkelë këmba e anadollakut !

Karadaku i Gjilanit –
Ia ka pre rrugët Sulltanit !
Karadaku i Vitisë –
Ia ka pre rrugët krajlisë !

Karadaku i Kaçanikut –
Ia ka pre rrugët armikut !
Karadaku n’ veri t’ Shkupit –
Ia preu rrugët asqerit t’ turpit !

Karadaku i Kumanovës –
Si beden n’ mbrojtje t’ Kosovës !
Karadaku i Preshevës –
Ia preu rrugët bijve t’ Kralevës !

Karadaku – bjeshkë e mbarë –
Ka dhanë trima legjendarë !

Gjilan, më 21.06.2014. Demir Krasniqi