Kapllani shënon në fitoren e Frankfurtit

Sulmuesi shqiptar Edmond Kapllani, ka realizuar gol në fitoren shumë të rëndësishme të FSV Frankfurtit ndaj Dresdenit. Ani pse me një futbollist më pak në fushë që nga minuta e nëntë, ku u përjashtua Oumari, Frankfurti në fund fitoi 3:2.

Kapllani realizoi në minutën e 54-të, për të barazuar rezultatin pas golit të Gifos në pjesën e parë. Më pas për vendësit shënuan edhe Epstein dhe Huber, ndërsa rezultatin përfundimtar e vendosi në fund Schuppan i Dresdenit, i cili vetëm se ngushtoi rezultatin në 3:2.

Kapllani po kalon nëpër një formë shumë të mirë këtë edicion, derisa ky ishte goli i nëntë sezonal për të.