Kapitulli 35 për Kosovën, kushti i Gjermanisë për Serbinë

Ministri serb i Punëve të Jashtme Ivica Daçiq ka deklaruar se përparimi i Serbisë në rrugën drejt BE-së do të varet nga vlerësimi nëse ka përparim në dialogun e Beogradit me Prishtinën.

Daçiq, pas bisedave me ministrin italian të Punëve të jashtme Paolo Gentilini, u ka thënë gazetarëve se Serbia do të përmbushë të gjitha ato që janë nënshkruar në Marrëveshjen e Brukselit dhe të gjitha ato që janë paraparë me planin implementues, por nuk mund të jetë përgjegjëse nëse dikush vendos kushte të reja, transmeton B92.

Ai shefit të diplomacisë italiane i ka thënë se Serbia, pas përfundimit ë skriningut për të gjithë kapitujt dhe kjo, sipas tij, do të thotë se Serbia është e gatshme të hapë kapitujt, transmeton Koha. net

“Këtu tani fjala është për vlerësimin politik të shteteve anëtare nëse ka kushte politike që ky vendim të merret . Gjermania këmbëngul se nuk mund të hapen kapitujt tjerë derisa të mos hapet Kapitulli 35 që është i lidhur me Kosovën”, ka thënë Daçiq.