Kapiteni Ylber Kastrati vulos derbin në Gjilan

Gjilan – Ashtu siç është pritur derbi më i madh në futbollin e Kosovës ka dhënë një spektakël të madh të futbolli duke dëshmuar se më të drejtë qyteti i Gjilanit mbanë primatin e futbollit në Kosovë.

Në praninë e 10.000 shikuesve u pa gjithçka, spektakël, kartona të verdh e të kuq, aksione, anim korrekt të dy tifo klubeve “Intelektualëve” dhe “Skifterat” të cilët meritojnë notën më të lartë, por duhet cekur se edhe zyrtarët policor dhanë provimin e tyre duke mbajtur rendin në praninë e gjithë këtyre tifozëve.

Është rast i rrallë në futbollin e Kosovës, por në derbin Gjilanas gjyqtari kryesor i kësaj ndeshje Genc Nuza e vazhdoi ndeshjen për 12 minuta lojë shtesë.

Fillimi i ndeshjes për një kohë u zhvillua në mes të fushës, mbrojtësi djathtë i Gjilanit Armend Thaqi gjuan nga 16 metra nga krahu por portieri i Dritës Latifi ishte në vend.

Në minutën e 18-të pas depërtimit të Thaçit gjen Egzon Shabanin i cili nga 16-të metra gjuan por Latifi dëbon topin jashtë vijës fundore të tij.

Egzon Shabani i cili sot ishte mjaft i disponueshëm për lojë dërgon një projektil nga 30 metra por Latifi i Dritës me mund të madh dëbon topin mbi horizontalën e tij.

Qendër sulmuesi i Gjilanit Isa Eminhaziri në minutën e 42-të provon me gërshërë nga 10 metra por gjuajtja e tij përfundon jashtë portës.

Futbollistët e Dritës në 45 minutat e parë asnjëherë nuk rrezikuan portën e Faton Malokut të Gjilanit.

Në pjesën e dytë dy akterët e derbit dhanë futboll cilësor duke i ngritur shpesh herë shikuesit në këmbë.

Pas një kundërsulmi të shpejt Eminhaziri gjen të vetmuar Shabanin i cili gjuan plogësht drejt portës së Latifit.

Në minutën e 56-të Alban Mavriqi i Dritës lanson një projektil nga 30 metra por topi përfundon mbi horizontalën e Malokut.

Futbollisti nga Maqedonia Blazhevski për pak sa nuk shënon por topi përfundon në duart e Malokut.

Sulmuesi i Gjilanit Gëzim Rusi koritet nga afërsia gjuajtjen e tij e mbron Latifi nga 5 metra.

Futbollistët e Gjilanit mbesin pa trajnerin e tyre Arbnor Morinën pasi delegati i ndeshjes Agim Hasani e përjashton nga loja.

Të njëjtin fat e patë edhe Erdin Hashani në minutën e 88 duke braktisur fushën për shkak dy kartonave të verdhë duke mbetur futbollistët e Dritës me 10 futbollist në fushë.

Gjyqtari nga Prishtina Genc Nuza e vazhdon ndeshjen për 12 minuta për shkak ndërprerjes së ndeshjes.
Minuta e 97-të sjell lot gëzimi e hidhrimi Eminhaziri harkon ndërsa kapiteni i Gjilanit Ylber Kastrati me kokë nga 10 metra gjen rrjetën e portës së portierit Artan Latifi duke sjell emocione tek tifozët “Skifterat” ndërsa zhgënjim tek “Intelektualët”

Në sekondat e fundit të ndeshjes ishte dramë e vërtetë portieri Faton Maloku mbron ndoshta gjuajtjen më të mirë nga 7 javët e zhvilluara pas harkimit zëvëndësuesi Leotrim Kryeziu gjuan bukur me kokë por edhe më bukur Maloku dëbon topin jashtë vijës fundore të tij.

Pas përfundimit të ndeshjes trajneri i Gjilanit Arbnor Morina theksoi.
“Në këtë derbi madhështor fitoi futbolli u tregua futboll cilësor, futbollistët e mijë i kryen detyrat e parashtruara ndërsa për largimin tim ju kërkoj falje edhe “Skifterave” edhe “Intelektualëve” dhe të gjithë të pranishmëve duhet kuptuar se edhe në jemi prej mishit e gjakut”.

Trajneri Boshnjak i Dritës Amir Alagic deklaroi.”Drita është në fazën e zhvillimit të lojës së saj , kemi disa përparime por kemi edhe shumë futbollist të ri shpresoj se do t`ju kthehemi rezultateve pozitive”.

Stadiumi i qytetit në Gjilan
Shikues 10,000
Kartona të verdhë Blazhevski, Hashani (D), A,Ahmeti (Gj).
Kartona të kuq: Hashani (D)
Gjyqtar Nuza, Selimaj, Berisha, Jahmurati
Golashënues Kastrati min.97

Drita – Latifi, Kuka, Byqmeti, Hashani, Haliti, Osmani(Ajdari), Bllazhevski, Zeneli. Mavriqi(Dragusha), Maliqi (Kryeziu) , Berisha.

Gjilani- Maloku, Kastrati, Bekteshi, Thaqi, Blakqori, Mustafa, Shabani(Teixeira), B Ahmeti(A,Ahmeti), Nebiu(Gashi), Rusi, Eminhaziri./rajonipress/