Kapiteni shqiptar, i suspenduar nga klubi

Kasami është i suspenduar për tri ditë nga klubi dhe është dashur të bisedojë me presidentin për të ardhmen. Ai është dashur t’i thotë presidentit se është i gatshëm të ndihmojë skuadrën, si lojtar dhe si kapiten.

E Martë, 20 Shkurt 2018 – 9:30 albinfo.chPajtim Kasami
A ka të ardhme Pajtim Kasami në FC Sion? Në të vërtetë presidenti i skuadrës zvicerane, Christian Constantin do të dëshironte t`i ishte përgjigjur kësaj pyetje të hënën, por e ardhmja e tij do të mësohet shumë shpejt, shkruan ‘Blick’.

Kasami është i suspenduar për tri ditë nga klubi dhe është dashur të bisedojë me presidentin për të ardhmen. Ai është dashur t’i thotë presidentit se është i gatshëm të ndihmojë skuadrën, si lojtar dhe si kapiten, përcjell albinfo.ch.

Në lidhje me këtë çështje foli edhe trajneri, Maurizio Jacobacci. “Ne kemi punuar si ekip. Sigurisht se ka disa gjëra që nuk është dashur të ndodhin. Nuk them më shumë”. Sioni shënoi fitoren e parë në vitin 2018, duke mundur Lausannen 3:1 pa kapitenin në fushë.

Por, presidenti nuk është shumë i kënaqur me të. “Pajtimi nuk e ka bërë atë që është pritur. Nuk dua ta dërgoj në ferr, por ai është dashur të fokusohet më shumë”.

Presidenti ishte të hënën në Paris për biznes, derisa të martën lojtarët e kanë pushim. “Me Pajtimin do të bisedoj të mërkurën”.

http://www.albinfo.ch/kapiteni-shqiptar-suspenduar-nga-klubi/