Kapiteni Erdin Hashani i siguron tri pikë Dritës

Gjilan – Futbollistët e Dritës në javën e 26-të, të Superligës së Kosovës në futboll me mjaftë vështirësi arritën të mposhtin Lirinë nga Prizreni me rezultat minimal 1-0.

Ashtu siç është prit takimi në mes Dritës e Lirisë do të jetë vështirë pasi dy skuadrat po luftojnë për ekzistencë dhe fitorja e cila do skuadre do të shtonte gjasat e mëdha në luftë për ekzistencë.

Futbollistët e Dritës në fillim të ndeshjes në minutën e 3-të, shumë lehtë kanë mundur të shënojnë sikur të ishte më i gjindshëm sulmuesi i saj Alban Shillova i cili nga 4-5 metra nuk arrinë të shënojë.

Në minutën e 33-të Shillova edhe një herë patë rast të mirë pasi më herët Xhevdet Shabani e gjen të vetmuar ku Shillova gjuan nga 5 metra por portieri mysafir Armend Ruxhi shpëton portën e tij duke dëbuar topin jashtë vijës fundore.

Për sulmuesin Alban Shillova sot nuk ishte dita e tij në minutën e 43-të me kokë dështon nga 4-5 metra duke gjuajtur jashtë portës mysafire.

Në pjesën e dytë futbollistët e Lirisë kanë mundur shumë lehtë të kalojnë në epërsi por skuadrën e Dritës e shpëton horizontalja të cilën e godet Blendi Memaj nga 18 metra.

Në minutën e 57-të portieri i Dritës Betim Halimi shpëton portën e tij pasi më herët Fisnik Ramadani me goditje të fort nga 16 metra kërkon të shënon.

Në minutën e 65-të gëzim në shkallët e stadiumit e sjellë kapiteni Erdin Hashani, i cili me kokë nga 5-6 metra gjenë rrjetën e portierit mysafir Armend Ruxhi.

Në minutën e fundit në atë të 90-të Arbnor Ramadani godet nga 18 metra por portieri Ruxhi me mundë të madh dëbon topin jashtë vijës fundore.

Pas kësaj ndeshje të rëndësishme, golashënuesi i vetëm dhe kapiteni i Dritës Erdin Hashani deklaroi. “Janë tri pikë të mëdha duke ditur peshën e tyre në vijim të edicionit të garave, Liria u paraqitë si skuadër mjaftë e forte por ne treguam dëshirë më të madhe për fitore këtë gol ia dedikoj tifozëve “Intelektualëve” të cilët po na përkrahin pa rezervë”./rajonipress/

DRITA – LIRIA 1-0 (0-0)
Stadiumi i qytetit në Gjilan
Shikues- rreth 1000
Kartona të verdhë- Hashani (D)
Gjyqtar- Vula, Kelmendi, Rama, Shala

DRITA – Halimi, Baxhuku(Ramadani), Hashani, Kelmendi (Sejdiu), Tusuni, Q,Sejdiu, Berisha, Ajdari,
Shillova, Shabani, Murati(Shaqiri).

LIRIA- Ruxhi, Mazreku, Berisha(Mustafa), Dina, Elezaj, Rexhaj, Mehmeti, memaj, Fetahaj(Gashi),
Bërbatovci(Rogova), Ramadani.