Kapet shqiptari në Itali me 1.6 ton drogë

Policia italiane ka vënë në pranga një 42-vjeçar shqiptar, pasi në një tokë pranë shtëpisë së tij, kishte mbjellë 200 rrënjë kanabis sativa. Pas një hetimi disa mujor nga ana e oficerëve të policisë në San Vito al Tagliamento, u bë i mundur arrestimi i 42-vjeçarit Admirim Veliu.

Lënda narkotike kishte një lartësi nga 150-280 cm, dhe peshonte rreth 1600 kg, pasi një bimë e tillë nxjerr 200 kg drogë për përdorim.

Sipas policisë droga kap vlerën e rreth 1 milion eurove. Gjithashtu gjatë kontrollit u zbuluan dhe rreth 200 fara kanabis, të cilat ishin gati për kultivim. Për Veliun rëndon akuza e kultivimit dhe trafikimit të lëndës narkotike.

Policia italiane po vijon hetimet për të zbuluar nëse ka persona të tjerë të cilët mund të jenë të përfshirë në këtë trafik lëndësh narkotik.