Kapet me marihuanë në Kamenicë, i dyshuari lirohet në procedurë të rregullt

Kamenicë – Një person është ndaluar nga policia në Kamenicë nën dyshimin për posedim ilegal të narkotikëve.

Sipas raportit policor, rasti ka ndodhur më 18 maj 2026, rreth orës 18:45, kur gjatë një kontrolli policor është ndaluar një i dyshuar mashkull kosovar teksa po drejtonte automjetin e tij.

Gjatë kontrollit, tek i dyshuari është gjetur dhe konfiskuar një cigare e mbështjellë me substancë të dyshuar narkotike të llojit marihuanë me peshë prej 0.56 gramësh, si dhe një pako me letra të markës OCB.

Pas intervistimit nga organet kompetente, me vendim të prokurorit, i dyshuari është liruar në procedurë të rregullt, ndërsa rasti vazhdon të hetohet./rajonipress/