“Është e paqartë se çfarë kishte ndërmend të bënte personi në fjalë me këtë armë”, thotë një zëdhënës i policisë.
Policia Kantonale e Thurgaut, me rastin e një kontrollimi të bërë në Stacionin Hekurudhor në Weinfelden, i ka gjetur një kosovari 20-vjeçar një revole për frikësim.
Në rripin e pantallonave atij i është gjetur revolja në fjalë me karikatorin e mbushur, thuhet në njoftimin e policisë, shkruan polizeinews.ch. Pastaj, kosovari është dërguar në prokurori për t`u marrë në pyetje, transmeton albinfo.ch. Revolja i është konfiskuar.
“Është e paqartë se çfarë kishte ndërmend të bënte personi në fjalë me këtë armë”, thotë një zëdhënës i policisë. “Ne nuk mund të provonim me këtë rast ndonjë delikt ose ndonjë synim specifik të bartësit të revoles”.
Por në njoftimin e saj policia tërheq vërejtjen se bartja e një arme të tillë pa leje është veprim i ndaluar, përcjell albinfo.ch. “Veç kësaj, armët imitacion, ato softair ose frikësuese, për shkak të rrezikut që të ngatërrohen me armët e vërteta, mund të shkaktojnë situata jashtëzakonisht të rrezikshme”.
