Kapet i dyshuari për vrasjen e shqiptarit Haki S.

Sipas policisë, kapja e të dyshuarit është bërë duke u bazuar në një numër marrjesh në pyetje të dëshmitarëve dhe një bastisjeje të shtëpisë së viktimës.

Policia ka arritur ta kapë personin që ka vrarë më 12 maj në St. Gallen shqiptarin nga Kosova, Haki S., 42 vjeçar, transmeton albinfo.ch. I dyshuari për vrasje, siç bën të ditur policia kantonale e St. Gallenit dhe ajo e Thurgau-t është po ashtu nga Kosova dhe ka 59 vjet.

Sipas policisë, kapja e të dyshuarit është bërë duke u bazuar në një numër marrjesh në pyetje të dëshmitarëve dhe një bastisjeje të shtëpisë së viktimës.

albinfo.ch ka shkruar lidhur me vrasjen në rastin kur ajo ka ndodhur.

Burime të albinfo.ch kishin bërë të ditur se i vrari është H.S. i lindur në fshatin S. të Kamenicës me banim në Gjilan.

Motivi i vrasjes dyshohet të ketë qenë një ngatërresë e hershme familjare që ka të bëjë me një borxh nga jashtë por që nuk ka pasur të bëjë drejtpërdrejt me të.

Merret vesh po ashtu se i ndjeri ka punuar për shumë vite me radhë në St. Gallen pa letra pune duke lëvizur me lejeqëndrim të Francës

Vrasësi i dyshuar do të mbahet së paku tre muaj nën masat e paraburgimit.