Kapet hajni i shumë kërkuar që plaçkiti në Zhegër, Lladovë e Llashticë

Gjilan – Policia e Gjilanit në bashkëpunim me policinë e Ferizajit kanë arritur ta arrestojnë të dyshuarin N.B. i dyshuar për disa vjedhje në Zhegër, Lladovë e Llashticë tha për rajonipress Ismet Hashani.

N.B. është i dyshuari i tretë që po arrestohet nga policia e Kosovës nën dyshimin se ka marrë pjesë në disa vjedhje grabitqare në rrethinat e Zhegrës, Lladovës e Llashticës, raporton rajonipress.

Ismet Hashani zëdhënës i policisë rajonale në Gjilan ka konfirmuar për rajonipress se policia e Ferizajit në bashkëpunim me policinë e Gjilanit kanë arritur ta prangosin N.B.. Ky i dyshuar është arrestuar të martën rreth orës 12.00 në fshatin Surqinë të Ferizajit.

Hashani tha se pas intervistimit në prezencën e avokatit mbrojtës janë gjetur dëshmi të qëndrueshme se i dyshimti në bashkëveprim me katër të dyshuarit e tjerë kanë kryer veprën penale të vjedhjes grabitqare dhe vjedhje të rënda ta datës 6 mars 2015 në rrethinat e Zhegrës, Lladovës e Llashticës.

Në konsultim me prokurorinë e shtetit, të dyshuarit i është caktuar ndalimi prej 48 orësh derisa në burg ndodhen edhe dy të dyshuarit e tjerë derisa edhe dy të dashur janë në kërkim nga policia./rajonipress/