Kapet grupi që po barte armatim të rëndë

Gjilan- Të martën herët në mëngjes policia rutinore në Gjilan ka dyshuar në një veturë me regjistrim të Pejës dhe gjatë kontrollimit ka gjetur një sasi të madhe të armatimit duke përfshirë dy kallashnikov, dy granata, dorëza, maska, dy revole etj. Rastin për rajonipress e ka konfirmuar edhe Elmina Mahmuti komandante rajonale e policisë në Gjilan.

Ka rastisur një kontroll rutinore e njësive për ndërhyrje të shpejta në qytetin e Gjilanit më saktësisht tek Fakulteti i Edukimit dhe gjatë kontrollimit të veturës me tabela 03 është gjetur sasi e madhe e armatimit të rëndë.

Burimet tona mësojnë se gjatë bastisjes që u krye të martën rreth orës 3 të mëngjesit në veturën e dyshuar në të cilën dyshohet se ishin dy nga Peja dhe një nga Ferizaji janë gjetur dy kallashnikov, dy granata, dy revole, dorëza, maska, dy revole etj. Rastin për rajonipress e ka konfirmuar edhe Elmina Mahmuti komandante rajonale e policisë në Gjilan.

Mahmuti tha se arrestimi është bërë të martën herët në mëngjes pas dyshimit të veturës me tabela jashtë Gjilanit. Mahmuti tha se në këtë aksion janë arrestuar tre persona dhe është kapur armatim i rëndë. “Hetuesit tanë janë duke punuar dhe në të është e kyçur edhe ekipi antiterrorist nga Prishtina. Tre të arrestuarit janë ndaluar për 48 orë” tha Mahmuti./rajonipress/