Kapet dhe arrestohet llapjani që mashtrojë gjilanasin

Gjilan – I dyshuari F.B. (1973) me banim në Podujevë muaj më parë duke e mashtruar ankuesin e rastit Shqiptar Shtetas i Kosovës me banim në Gjilan, ka arritë ta mashtroj duke ja marr veturën e tipit “AUDI A3”, ngjyre hiri, e pa doganuar, e vëllait të tij, dhe sipas ankuesit i dyshuari në lajthim e kishte bindur se veturën e kishte blerë nga vëllai i tij i cili punon në Zvicër.

I dyshuari e merr veturën në fjalë dhe sipas marrëveshjes paratë në vlerë: 4800 Franga zvicerane ai duhej t’ia dorëzonte me date:27.03.2016. I dyshuari pasi qe e ka marr veturën në fjalë prej asaj dite e deri tek raportimi i rastit nuk ju ka paraqitur asnjëherë ankuesit.

Policia e Kosovës njësitet e hetimeve nga stacioni policor i Gjilanit për mes rrugëve operative kanë pas informata të qëndrueshme për vend ndodhjen e të dyshuarit në fjalë.

Me 23 maj 2016 Polica e Kosovës nga stacioni i Podujevës, në bashkëpunim të ngushtë me njësitet hetuese nga Gjilani kanë arritur që ta arrestojmë të dyshimtin në Podujeve në shtëpinë e tij. I njëjti është sjell në stacionin Policor në Gjilan, ai është intervistuar në prezencë të avokatit mbrojtës.

Gjatë hetimeve janë gjetur fakte dhe dëshmi të qëndrueshme se ai është i involvuar në këtë vepër duke e mashtruar ankuesin e rastit. I dyshuari në fjalë me urdhër të prokurorit të shtetit është ndaluar për 48 orë në mbajtje.

Në bazë të dëshmive të gjetura i dyshimti besohet të jetë i involvuar edhe në disa raste të tjera “mashtrimi”, në rajone të ndryshme të Kosovës dhe ndaj tij hetime të vazhdueshme janë duke u zhvilluar edhe nga stacionet policore në Prizren, Pejë, dhe Podujevë. Rasti nën hetime njoftoj Ismet Hashani./rajonipress/