Kapet arsenal armësh në shtëpitë e dy serbëve në Kamenicë

Kamenicë – Në rrugën “Vuk Karaxhiq” në Kamenicë raportohet se me vendim të gjykatës janë bastisur shtëpitë e dy meshkujve serbë ku janë gjetur dhe konfiskuar: 60 fishekë të kalibrit 7.62 mm, dy fishekë të kalibrit 7.9, një granatë dore, optik nate për snajper dhe pajisje tjera për armë, shufër gome e policisë, maskë ushtarake, 198.5 gramë substancë narkotike njoftoj policia e Kosovës.

Granatën e dorës e ka larguar njësia për deminim e PK-së. Pas intervistës njëri nga të dyshuarit është liruar në procedurë të rregullt ndërsa i dyshuari tjetër nuk është takuar në shtëpi./rajonipress/