Kapen me dokumente jovalide në Muçibabë e “Dheu i Bardhë”

Gjilan – Dy persona janë ndaluar nga Policia Kufitare e Kosovës, teksa kanë provuar njëri të hyjë e tjetri të dalë nga vendi me dokumente jovalide.

I pari një shqiptar i dyshuar në Muçibabë, gjatë kalimit të kufirit Kosovë-Serbi ka penguar zyrtarët policorë derisa kryenin detyrën zyrtare, si pretekst se njërit nga familjarëve të tij i është ndaluar kalimi në mungesë të dokumentit valid njoftoj policia e Kosovës.

Në konsultim me prokurorin rasti shkon në procedurë të rregullt. Kurse rasti tjetër, ka ndodhur tek “Dheu i Bardhë”, ku në dalje të Kosovës është ndaluar i dyshuari mashkull shqiptar pa dokumente valide i cili ka tentuar ta kalojë kufirin, ku paraprakisht kishte bërë një marrëveshje me një të dyshuar mashkull shqiptar për ta dërguar në shtetin e Zvicrës.

Në konsultim me prokurorin i dyshuari pas intervistimit është liruar në procedurë të rregullt./rajonipress/