Kapen hajnat e vjedhjeve të rënda të kryera në Gjilan

Gjilan – Ankuesja Shqiptare shtetase e Kosovës ka raportuar Policinë e Kosovës se persona të panjohur përmes një dritareje të katit përdhesë kanë depërtuar në shtëpinë e saj me ç’rast kanë vjedhur: para të gatshme në vlerë prej 530 €, një telefon celularë të markës Iphone 6 si dhe një Llap-Top të markës “Macbook air-aple’.

Policia e Kosovës, njësia e hetimeve të stacionit policor të Gjilanit përmes rrugëve operative kanë pasur dyshime të bazuara për të dyshimtit e mundshëm të kësaj vepre penale dhe shpejtë i kanë lokalizuar të dyshimtit.

Nga ana e hetuesve policor janë arrestuar dy të dyshuar që të dy shqiptar shtetas të Kosovës (për të cilin është iniciuar edhe rasti posedim i substancave narkotike nga ana e policisë së Kosovës njësitet anti drogë që veprojnë në Gjilan, pasi që gjatë kontrollit u është gjetur një sasi e substancës së dyshuar narkotike).

Personi i tretë i njohur për policinë që besohet të jetë i involvuar në këtë vepër penale për momentin ka arrit që të shmanget dhe është në kërkim.

Te personat e dyshuar janë gjetur dëshmi të cilat dyshohet se janë vjedhur në shtëpinë e ankueses. Sendet e vjedhura dhe të sekuestruara nga ana e policisë i kthehen pronarit legjitim.

Pasi që dyshohet se të dyshuarit e arrestuar kanë pasur dijeni ose kanë marrë pjesë në vjedhje si grup me qëllim të përfitimit material, të njëjtit me vendim të Prokurorit të Shtetit janë ndaluar në qendrën e mbajtjes për 48 orë. Rasti nën hetime njoftoj Ismet Hashani./rajonipress/