Kapen hajnat e vjedhjes së telefonave

Gjilan – Pas një pune operative, zyrtarët policor të stacionit të Gjilanit dhe hetues rajonal, kanë arritur t`i identifikojnë dhe arrestojnë 3 persona të cilët kishin kryer këtë vjedhje.

Ditë më parë në një shtëpi në Gjilan ishin vjedh 114 copë telefona të llojit Iphone, Samsung, LG dhe një sasi e të hollave ku sipas viktimës vlera e gjësendeve të vjedhura ka qene rreth 7000 Euro.

Pas një pune operative, zyrtarët policor të stacionit të Gjilanit dhe hetues rajonal, kanë arritur t`i identifikojnë dhe arrestojnë 3 persona të cilët kishin kryer këtë vjedhje.

Njëri nga konsumuesit e kësaj vepre është i moshës së mitur. Këta janë A.L i vitit 1999, L.K, i vitit 1996 dhe R.I i vitit 1996 të gjithë shqiptar.

Pas intervistimit në prani të avokatëve mbrojtës, ata kanë pranuar se kishin kryer disa vjedhje ku pas kontrolles janë gjetur një numër i telefonave po edhe shumë dëshmi tjera që lidhen me disa vjedhje të mëhershme.

Njëri nga të dyshuarit ka treguar edhe për një TV Plazma të vjedhur të cilin e kishin dëmtuar gjatë ikjes dhe e kishin hudh në fushë afër Velekinces.

Dëshmitë e konfiskuara do t`i kthehen pronarëve kurse të dyshuarit me vendim të Prokurorit janë ndal në qendrën e ndalimit policor, i mituri për 24 orë kurse dy tjerët për 48 orë tha nënkolonel Shaban Azizi zëvendës drejtor rajonal në Gjilan./rajonipress/