Kapen hajnat e biçikletave në Kamenicë

Kamenicë – Ditë më parë në stacionin policor në Kamenicë ishin lajmëruar së paku gjashtë raste nga qytetar të ndryshëm se atyre u ishin vjedhur biçikletat e tyre. Policia e Kosovës njësitet hetuese në Kamenicë gjatë një pune intensive hetimore kanë arritur që të zbuloj një lokacion të dyshimtë në të cilin po mbaheshin një numër i konsiderueshëm biçikletash rreth njëzet sosh.

Hetimet në vazhdim kanë rezultuar në lokalizimin dhe më pastaj ndaljen e tre personave të dyshimtë të moshës së mitur, që të tre shqiptar shtetas të Kosovës me banim rezident në Kamenicë.

Të njëjtit besohet të jenë autor të këtyre veprave penale të vjedhjeve të biçikletave në territorin e Kamenicës.

Nga faktet e gjetura të dyshimtit dyshohet të kenë vepruar në grupë. Në gjashtë raste të vjedhjeve janë identifikuar biçikletat nga pronaret dhe të njëjtat me urdhër të prokurorit u janë kthyer atyre.

Policia e Kosovës njësitet hetuese nga stacioni policor i Kamenicës po punojnë në vazhdimësi deri në identifikim edhe të personave të tjerë që nuk i kanë paraqitë rastet, gjersa u janë vjedhur biçikletat e tyre, dhe i thërret ata që të vinë t`i identifikojnë dhe t`i marrin biçikletat e tyre.

Rastet veç e veç procedohen në Prokurori ka njoftuar Ismet Hashani./rajonipress/