Kapen dy shqiptarë me dy kilogramë heroinë

Policia e Kantonit të Cyrihut, gjatë një kontrollimi të dy personave ka gjetur në hapësirën e përparme të veturës dy kilogramë heroinë të futur në një qese.

Të dy shqiptarët, njëri 25 e tjetri 42 vjeçar me këtë rast po mbahen në arrest nën dyshimin e marrjes me tregti droge.

Policët ndjekës të tregtisë me narkotikë kishin vënë re një veturë të dyshimtë me regjistrim të huaj që po lëvizte nëpër lagjen në qarkun numër 7 të qytetit të Cyrihut, bën të ditur policia e Kantonit të Cyrihut përmes një komunikate.

Në momentin kur në veturë hyri personi i dytë, policët ndërhynë dhe kontrolluan dy shqiptarët, me ç`rast në hapësirën e përparme të makinës gjetën qesen plastike me 2 kilogramë heroinë.

Gjatë kontrollimit të mëtejmë policia konstatoi se i riu 25 vjeçar nga Shqipëria po qëndronte ilegalisht në Shqipëri.

Dy të arrestuarit, pas hetimeve të para do t`i dorëzohen prokurorisë./albinfo/