Kapen 2 të huaj e 2 shqiptarë për falsifikim parash

Policia e Lezhës arrestoi ditën dje dy shtetas të huaj dhe një shqiptar, të cilët akuzohen për falsifikim dokumentesh dhe kartëmonedhash.Të arrestuarit janë: Bertrwd Nyemeck, 33 vjeç nga Franca, Marie Nnanga, 30 vjeç nga Kameruni, Naim Muharremi, 38 vjeç, shqiptar me pasaportë suedeze dhe Lulzim Gashi, 34 vjeç nga Kosova.

Këta persona u arrestuan, teksa po lëviznin me një automjet në drejtim në Lezhës. Gjatë kontrollit në mjetin e tyre, u gjendën materiale dhe sende, që përdoren për falsifikim kartëmonedhash, si edhe aparate për ngjyrosjen e tyre.

Policia gjeti edhe letra, të cilat ishin prerë në përmasat e kartëmonedhës 500-euroshe. Katër personat janë vënë nën akuzën e falsifikimit të kartëmonedhave dhe dokumenteve me vlerë.