Kanosje, dhunë familjare dhe lëndim trupor, në tri raste të ndara në Gjilan

Gjilan – Një mashkull shqiptar është arrestuar për arsye se e ka sulmuar fizikisht viktimën mashkull shqiptar duke i shkaktuar lëndime trupore. Incidenti kishte ndodhur kur i dyshuari dhe viktima ishin duke udhëtuar në një autobus.

Viktima ka pranuar tretman mjekësor, ndërsa i dyshuari në konsultim me prokurorin është dërguar në mbajtje.

Gjithashtu në Gjilan është arrestuar i dyshuari mashkull shqiptar, pasi që i njëjti pas një mosmarrëveshje e ka sulmuar fizikisht dhe e ka kanosur viktimën mashkull shqiptar. I dyshuari është intervistuar dhe me vendim të prokurorit është dërguar në mbajtje.

Në rastin tjetër ndërkaq viktima femër shqiptare ka raportuar se babi i saj i dyshuari mashkull shqiptar në vazhdimësi është duke ushtruar dhunë fizike dhe psikike ndaj saj. I dyshuari është arrestuar dhe me vendim të prokurorit është dërguar në mbajtje njoftoj policia e Kosovës./rajonipress/