Kanos policinë gjatë legjitimimit, përfundon në mbajtje një person në Gjilan

Gjilan – Një incident me elemente kërcënimi ndaj zyrtarëve policorë është regjistruar në rrugën “Rukije Haliti” në Gjilan, ku një person ka përfunduar në prangat e Policisë së Kosovës pas sjelljes agresive ndaj patrullës policore.

Sipas raportit zyrtar, derisa njësitet policore po kryenin procedurat e legjitimimit, i dyshuari mashkull kosovar ka kanosur zyrtarët policorë, duke eskaluar situatën në vendngjarje.

Pas ndërhyrjes së policisë, i dyshuari është arrestuar, ndërsa me urdhër të prokurorit është dërguar në mbajtje. Rasti po trajtohet si “Sulm ndaj personit zyrtar”./rajonipress/