Teksti, muzika dhe interpretimi : Demir Krasniqi –
Me atë ditë qi erdh Serbia –
Kurrë ditë t’ bardhë s’ pa shqiptaria !
Rob i robit n’ tokë të vet –
Ndër kambë t’ shkaut qe nand’dhetë vjet !
Nand’dhetë vjet kështu kanë kalue –
Nanat tona tue vajtue !
Vajtojnë nana , vajtojnë bija –
Për djemë t’ ri që i vret Serbia !
Djemtë shqiptarë vriten gjithëfare –
Mendon shkau me na qitë fare !
Kështu punon ai shkau i shkinës –
Vret shqiptarë përmbrapa shpinës !
Vriten djemtë n’ burgje e n’ llogore –
Janë mbushë malet plot me vorre !
Vorre t’ reja krejt shqiptarë –
Shumë e djemtë janë vra ushtarë !…
Kështu punoi , vëllazën , kjo Serbi –
Me gjak tonë kurrë nuk u ngi !
Zi e terr çka ka punue –
Me nji kangë s’ mujë me i numërue !…
Çka ka ba marri Serbia –
S’ mund t’i kapë as historia !…
S’ kanë lanë vend kund hunët pa i shti –
Tue na pre e tue na gri !…
S’ kanë lanë shpi, s’ kanë lanë katunde –
Mbi shqiptarë pa ba zullume !
Nuk lanë vend , nuk lanë konak –
Me djem t’ ri pa e la me gjak !…
Si shumë fshatra n’ mbarë Gollakun –
Hajkobilla e lau hakun !…
Aty kenë dy djem shqiptarë –
Djem punëtorë – vëllazën bujarë !
Ditë e natë punuen pa hile –
Punëtorë krahu për familje .
Tue u mundue për jetë ma t’ mirë –
Nji Xhemajl , tjetri Jahir .
Nji ditë herët , vëllaznit janë que –
Për Gjilan, janë nisë me shkue !
Trup e shkurt kodrave , malit –
Shkojnë n’ Gjilan për ditë t’ pazarit !
Skamje e madhe ishte atëherë –
Kanë ble gaz , kripë e sheqer …
– O Jahir !- Xhemajli ia banë –
Do ta blejmë nga nji killë duhan !
– Po , pse jo, baca Xhemajl –
S’ mujmë përditë n’ pazar me dalë !
Me ‘i herë pazaret i kanë krye –
Kanë marrë udhën n’ shpi me u kthye !
Male e kodra i kanë trupue ,
Në Strezoc , kur paskan shkue –
Ky Jahiri , çka paska thanë :
“Kah stanica*1) me i ra nuk banë ,
Se e kem nga ‘i killë duhan –
Milicia , mos po na nxanë !”
Udhën , djemtë e kanë lakue –
Rreth nji teli paskan shkue …
Rreth minierës së Strezocit –
Aleksandri , prej Hajnocit !
Aleksandër Stojanoviqi –
Kriminel , këtë tokë e fëlliqi !
Aleksandri , kjo bishë e egër –
Ishte nga fshati Hajnoc i Epër !
Po i sheh se janë shqiptarë –
U dallojshin n’ kapuça t’ bardhë !
Shpejt e shpejt nget si zagar –
Rojës , pushkën ia ka marrë !
Shokët e vet e kanë qortue –
Ku po donë me pushkë me shkue ?
Aleksandri , iu ka kallxue :
“Lepurin n’ çuk e kam diktue !
Me m’ dhanë pushkën me fishekë –
Ta vras lepurin n’ gjumë tue fjetë !”
E ka marrë vrapin përpjetë –
Përjashtë telave , djemtë tu i ndjekë !
Përmbas shpinës , ai çyfarë –
Po e shtinë n’ thumb plisin shqiptarë !
Keq Xhemajlin e ka qëllue –
T’ vdekun n’ tokë e ka palue !
Thërret Jahiri :”Xhemajl, o vëlla ,
Pa i pasë borxh , qysh me na vra ?!
Bërtet Jaha – kuku për mue ,
Allti n’ shokë , qysh s’ mu qillue –
Vëllaun tem, sot me e pague ?!”
– Aleksandër, zemër katile ,
Pa t’ pasë hak, as pa t’ pasë hile ,
Qysh na e vrave këtë djalë shqiptarë ,
Zo’ çka t’ bani, ty , plisi i bardhë ?!
Fort Jahiri , koka ngushtue –
N’ Hajkobillë , në shpi ka shkue .
Po e dvetë nana :”Ku asht Xhemajli ?”
– Në Strezoc , na e vrau çyfari !
Aleksandri , prej Hajnoci –
Na e vrau vëllaun , n’ midis Strezoci !
Nisi nana me vajtue :
“Haj medet , kuku për mue ,
Kam pasë djalin me e martue !
Haj medet , për këtë konak –
Ma vrau shkau “bi gajri hak !”
Shumë kësi djemë , na i kanë vra shkijet –
S’ kanë dhanë kurrë farë përgjegjësie !”
*1) Stanica ( serbisht ) = Stacioni i milicisë
***** Demir KRASNIQI : “MALLËNGJIME E USHTIMA” – Gjilan , 1993 , faqe 150 Nr. 90.
