Kandidatura e Faton Bislimit nderon Gjilanin dhe Anamoravën

Gjilan – Është krenari për Gjilanin që ka një kandidat të tillë. Është mundësia më e mirë për komunën tone që njëherë e mirë të ndahet nga kjo lloj qeverisje që ka lënë shumë për të dëshiruar dhe të ecë para me zotin Bislimi, i cili si kryetar i komunës do të na nderojë jo vetëm neve, por të gjithë Gjilanin, Anamoravën e Kosovën. Një njeri që turpëroi Jeremiqin e Tadiqin në Harvard, një shqiptar që u pranua në Celsin e Artë me president e nobelistë amerikan, është pak të jetë kryetar komune, ka thënë Skender Kastrati.

Kandidati i Koalicionit për Gjilanin, Faton Bislimi, sot mbajti një takim promovues me kandidatët për asamblenë komunale të Nismës së Ballit për Gjilan, subjekt ky që përkrahë kandidaturën e Bislimit për të parin e qytetit.

Në fjalimin hyrës, kryetari i kësaj Nisme, Shukri Sylejmani, falënderoi të gjithë të pranishmit dhe përgëzoi edhe kandidatin Bislimi për sfidën që ka marrë para vete, duke i premtuar mbështetje të plotë të Nismës, kandidatëve të saj, dhe gjithë simpatizantëve tjerë.

Të pranishmëve iu drejtua edhe profesori Skender Kastrati, i cili bëri edhe një rezyme të shkurtë të veprimtarisë dhe shkollimit të kandidatit Bislimi, duke potencuar të arriturat e tij akademike, punën lobuese për Kosovën në SHBA, si dhe aktivitetet e tij humanitare e arsimore këtu në Gjilan.

“Është krenari për Gjilanin që ka një kandidat të tillë. Është mundësia më e mirë për komunën tone që njëherë e mirë të ndahet nga kjo lloj qeverisje që ka lënë shumë për të dëshiruar dhe të ecë para me zotin Bislimi, i cili si kryetar i komunës do të na nderojë jo vetëm neve, por të gjithë Gjilanin, Anamoravën e Kosovën. Një njeri që turpëroi Jeremiqin e Tadiqin në Harvard, një shqiptar që u pranua në Celsin e Artë me president e nobelistë amerikan, është pak të jetë kryetar komune,” tha Kastrati.

Në fjalën e tij, Bislimi i falënderoi të gjithë për përkrahjen që po i japin dhe shprehu gatishmërinë e tij dhe ekipit të tij për të punuar së bashku me Nismën dhe partneret tjerë të Koalicionit për Gjilanin, si AKR-në, Lëvizjen Qytetare për Gjilanin, dhe Forumin e Profesionistëve të Rinj, për të sjellur një fillim të ri në Gjilan dhe për të bërë gjilanasit të ndihen krenarë me Gjilanin thuhet në njoftimin e shtabit zgjedhor të Faton Bislimit./rajonipress/