Kandidati i Lëvizjes “Vatra” ndër më të votuarit në Anamoravë

Gjilan – Avdil Halimi, kandidat për deputet në listën e koalicionit LDK-VATRA është një nga kandidatët më të votuar me 2550 vota në listën e koalicionit vetëm në Gjilan.

Ne ndihemi krenar që kandidati ynë erdhë nga mërgata, nga Zvicra, dhe vetëm për 10 ditë punë efektive kemi arritur të grumbullojmë këtë numër të madh të votave në Gjilan. Jemi duke pritur rezultatet nga Prishtina, ku kemi pasur shtab zgjedhorë, si dhe nga dega e Lëvizjes Vatra në Kamenicë, Fushë Kosovë, Novobërdë, Mitrovicë, Ferizaj, Viti, për të kuptuar numrin e saktë të votave në nivel vendi.

Ne ndjehemi krenar dhe të lumtur që pavarësisht faktit se kandidati ynë ka kohë që jeton në Zvicër, koha e shkurtë për fushatë si dhe ranglista me kandidatët tjerë, kemi arritur të fitojmë besimin e qytetarëve dhe kemi dëshmuar se Lëvizja Vatra ka rritje të madhe ashtu edhe siç kemi paralajmëruar më herët. Shpresojmë që kjo rritje të vazhdojë dhe në zgjedhjet lokale në nëntor të arrijmë të fitojmë së paku 3 mandate.

Ne vetëm se kemi filluar tash e një vit përgatitjet për zgjedhjet lokale, ku besojmë se do ta rrisim numrin e votave që kishim në zgjedhjet e 2013-ës. /rajonipress/