Kandidatët për master do t’i nënshtrohen provimit pranues për afro 3 mijë vende

Të gjithë kandidatët për studime të nivelit master në Universitetin e Prishtinës, për vitin akademik 2015/2016 do të duhet t’i nënshtrohen provimit pranues. Madje, përqindja më e madhe të pikëve të rezultatit do të llogaritet nga provimi pranues e jo nga suksesi në studimet bazike.

Proporcioni do të jetë 70 me 30, pra 70 pikë nga provimi pranues dhe 30 nga suksesi i studimeve paraprake. Ndërsa, deri më tani provimit pranues në master nuk u janë nënshtruar fare kandidatët që kanë pasur notën mesatare 8 e mbi të, gjatë studimeve bazike.

Kështu ka vendosur menaxhmenti i UP-së, dhe kjo është vetëm njëra nga risitë që ka përgatitur Universiteti publik për vitin e ri akademik, pasi që edhe për studimet bazike ka pasur ndryshime në pikët e rezultatit duke rritur përqindjen në atë të provimit pranues dhe jo ato të shkollimit paraprak.

http://koha.net/?id=27&l=69667