Kancelarja Merkel dhe Bundestagu: Pa Kosovën, s’ka datë për Serbinë

Parlamenti gjerman, Bundestagu do të marrë qëndrim më 27 qershor që negociatat e Serbisë me Unionin Evropian nuk mund të fillojnë para vitit 2014, dhe kjo me kusht që Serbia t’i përmbushë të gjitha obligimet për normalizimin e marrëdhënieve me Kosovën, merr vesh agjencia gjermane e lajmeve DPA nga qarqe të afërta me Bundestagun.

Sipas kësaj agjencie, kancelarja gjermane Angela Merkel do ta mbrojë një qëndrim të tillë nga fundi i këtij muaji edhe në samitin e Unionit Evropian, i cili duhe të vendosë me konsensus për dhënien eventuale të datës për fillimin e negociatave të Serbisë me BE-në, transmeton gazeta serbe Blic.

Në pajtim me qëndrimin e tillë, që është dakorduar nga shumica parlamentare në Gjermani, Ministria e Punëve të Jashtme dhe kabineti i kancelares Merkel, deri në fund të vitit do të duhej të mbahej edhe një samit i BE-së për çështjen e dhënies së datës Serbisë.

Nëse Serbia deri atëherë nuk i përmbushë obligimet që i ka lidhur me Kosovë, “atëherë edhe bisedimet për anëtarësim mund të fillojnë më vonë”, thanë burimet në Berlin, kurse transmetojnë mediumet gjermane.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).