Kampioni i vitit

Haxhi Krasniqi ishte sportisti më i suksesshëm shqiptar i vitit 2012. Boksieri kosovar me pasaportë gjermane u shpall kampion i Evropës për peshat e mesme në boksin profesionist, duke e ndjekur rrugën e kushëririt të tij, Luan Krasniqi, i cili e kishte bërë një gjë të tillë shumë vite më parë.

Krasniqi, i cili e ka ndërruar emrin Haxhi në ‘Robin’, e realizoi njërën prej ëndrrave të tij gjatë verës, duke u shpallur kampion në versionin WBO. Ai e mbrojti këtë titull me sukses, ndërsa synimi i radhës i boksierit junikas është të shpallet kampion i botës në këtë version.

Krasniqi, i cili është rritur në Gjermani, konsiderohet si njëri prej sportistëve më të mëdhenj shqiptarë sot. Edhe pse mbron ngjyrat e Gjermanisë, në zemrën e Krasniqit qëndron shqiponja dykrerëshe.