Kamenica shpëton nga vërshimet- sanon vetëm dëmet e rrugëve

Gjilan – Faton Biqkaj zëdhënës i komunës tha se në Kamenicë nuk ka pasur dëme nga shiu, por vetëm është intervenuar në disa fshatra malore si në Ajnovc, Strezovc, Krilevë, Tugjec, Meshinë e Dashnicë.

Biqkaj tha se deri tani nuk janë raportuar nga qytetarët vetëm dëme materiale me përjashtim të bllokimit të rrugëve.”Nuk ka pasur vërshime sikurse në Gjilan. Ekipet tona janë në teren dhe janë marrë gjatë gjithë kohës me sanimin e disa rrugëve nëpër fshatrat malore të cilat megjithatë nuk janë dëme të pariparueshme” tha Biqkaj.

Biqkaj tha se Komuna e Kamenicës nuk do të kërkojë ndihmë nga Qeveria, ndërsa janë në pritje të kërkesës së tyre nga vërshimet e mëhershme që goditën këtë qytet.

Biqkaj tha se autoritetet komunale kanë intervenuar për të hapur rrugët në fshatrat Ajnovc, Strezovc, Krilevë, Tugjec, Meshinë e Dashnicë./rajonipress/