Kamenica shënon ditën e çlirimit- qyteti veshët në flamuj

Gjilan – Komuna e Kamenicës të martën është veshur në flamuj kombëtarë e shtetëror. Qytetarët e saj dhe të gjitha institucionet shënojnë ditën e çlirimit.

Kuvendi ka paraparë seancë solemne derisa janë paraparë edhe shjmë aktivitete tjera të larmishme gjatë ditës.

Manifestimet për ditën e çlirimit të komunës së Kamenicës, kanë filluar me homazhe në varrezat e dëshmorëve. Kryetari i komunës së Kamenicës Surdulli me bashkëpunëtorë kanë vendosur kurora tek varrezat e dëshmorëve si dhe tek lapidari i vëllezërve Krivaqa dhe Agush Isufi.

Surdulli me këtë rast ka thënë se dëshmorët meritojnë respektin më të madh institucional e kombëtarë.”Kamenica ndihet krenare që po shënon këtë ngjarje të madhe .Ne po punojmë që të realizojmë objektivat tona, por edhe që të respektojmë amanetin e dëshmorëve për një qytet me vlera dhe të arritura”ka thënë Surdulli.

Për ditën e çlirimit kanë uruar edhe Emin Krasniqi nga PDK-ja, Lulzim Leci nga AAK-ja, Fatmir Matoshi nga AKR-ja dhe shumë parti tjera, shoqata e asociacione tjera. /rajonipress/