Kamenica sanon pasojat e shirave të fundit

Kamenicë – Shirat e para ca kohëve, kishin shkaktuar dëme të shumta në komunën e Kamenicës, sidomos në fshatra kishte pësuar infrastruktura rrugore. E dëmtar rëndë ishte edhe rruga, Kamenicë – Moqar – Kololeq, në të cilën intervenimi është kryer këtë të diele.

Kryerjen e sanimeve të rrugës i përcollën së afërmi, nënkryetari i komunës për komunitete, Dragisha Saviq, së bashku me shefin e zyrës për komunitete dhe kthim, Dejan Blagojeviqin dhe përfaqësuesin e Drejtorisë për Mbrojtje dhe Shpëtim, Ramadan Berishën.

Kjo rrugë, aq shumë ishte dëmtuar saqë ishte bërë fare e pa kalueshme. Rruga në fjalë, iu ka shërbyer banorëve të disa fshatrave për të shkuar deri në qendrën komunale, sepse për dhjetëra kilometra e kishte shkurtuar udhëtimin e tyre.

Ajo, tani më është e sanuar dhe mund të udhëtohet me automjete pa kurrfarë problemi. Kjo rrugë para disa viteve ishte ndërtuar nga ana e KFOR-it amerikan./rajonipress/