Kamenica propozon faljen e tatimit në pronë në vlerë të 100 eurove
Kamenicë – Kuvendi Komunal ka mbajtur mbledhjen e XI-të të rregullt. Nga Kadri Rahimaj u propozua që të hyjë edhe një pikë, propozim – vendim për faljen e tatimit në pronë në vlerë prej 100 Euro për vitin tatimor 2023. Pas debatit nga asambleistët, me shumicë votash të gjitha pikat u shqyrtuan dhe miratuan.
Mbledhjen e hapi Kryesuesi i Kuvendit Komunal, Liridon Kastrati, ndërsa të pranishëm ishin: Kryetari Kadri Rahimaj, asambleistët, disa nga drejtorët e drejtorive komunale, media dhe OJQ.
Në rend dite për shqyrtim ishin këto pika:
- Shqyrtimi dhe aprovimi i procesverbalit, nga mbledhja e X-të e Kuvendit Komunal të Kamenicës.
- Pyetjet e legjislativit drejtuar ekzekutivit.
- Kërkesë për rishqyrtimin dhe harmonizimin e ligjshmërisë së vendimit nr.36772.
- Kërkesë për rishqyrtimin dhe harmonizimin e ligjshmërisë së vendimit nr.36867.
- Propozim-Vendim për themelimin e grupit punues për hartimin e planit vjetor të punës së Kuvendit të Kamenicës për vitin 2024.
- Propozim-Vendim për caktimin e normave tatimore të tatimit në pronën e paluajtshme për vitin 2024.
- Propozim-Vendim për lejimin e mjeteve financiare në lëmin e bujqësisë.
- Të ndryshme.
Pasi paraqiti rendin e ditës Kryesuesi, nga Kryetari Rahimaj u propozua që të hyjë edhe një pikë:
- Propozim-Vendim për faljen e tatimit në pronë në vlerë prej 100 Euro për vitin tatimor 2023.
Pas debatit nga asambleistët, me shumicë votash të gjitha pikat u shqyrtuan dhe miratuan.