Kamenica – Komuna e Kamenicës si masë shtesë për parandalimin e virusit Covid-19, ka pastruar rrugët nga kompania e kontraktuar, nën përkujdesjen e DSHPAI-së si dhe është vizituar fabrika e miellit “Prapashtica” ku janë siguruar se do të ketë mjaftueshëm furnizim me miell.
Dy postime të Qëndron Kastratit
Familja Asllani, veprimtarinë e bluarjes së grurit dhe shitjes së miellit e ushtron për shumë vite.
Kjo familje e shquar atdhetare, me biznesin e tyre u ka dalë në ndihmë shumë familjeve gjatë luftës e të njëjtën është duke e bërë edhe këto ditë, duke i furnizuar me miell familjet në nevojë.
Pas vizitës nga nënkryetari Jakupi e drejtori Basha, pronarët e fabrikës së miellit “Prapashtica”, sqaruan se të gjithë ata që kanë grurë, mund ta bluajnë tek ai mulli si çdo herë.
U jemi mirënjohës të gjitha bizneseve që me kapacitetet që kanë, po u dalin në ndihmë atyre që kanë nevojë.
Si masë shtesë për parandalimin e virusit Covid-19, sot janë pastruar rrugët nga kompania e kontraktuar, nën përkujdesjen e DSHPAI-së. Pa panik dhe me kujdes të shtuar, ia dalim mbanë ka shkruar Qëndron Kastrati./rajonipress/
