Kamenica nuk i harron krimet e luftës

Kamenicë – Kreu i Komunës së Kamenicës Begzad Sinani në këtë akademi ka përmendur listën e të vrarëve në atë ditë, dëmet e shkaktuara materiale, plaçkitjet nga forcat policore e paraushtarake serbe. Sinani ndër tjerash tha se u bëjmë me dije se ne do të vazhdojmë të kërkojmë akteret e këtyre vrasjeve, plaçkitjeve, dhunës, tek të gjithë organizmat vendor dhe ndërkombëtar, dosja dhe hetimet, materialet dhe faktet do tu drejtohen drejtësisë.

Me një akademi solemne e organizuar nën patronatin e kryetarit të komunës Begzad Sinani, u përkujtua 11 maji i vitit 1999. Ajo, ditë e kobshme, tragjike e historisë kësaj ane, ishte dita ku ushtria serbe, policia paramilitarët e mercenarët nga vendet sllave rrethuan popullatën duarthatë të fshatrave të komunës sonë. Një terror i pa parë, me vrasje dhunime, shkatërrime pronash, plaçkitje të ndryshme përndjekjet e qytetarëve nga shtëpitë dhe fshatrat e tyre, duke i rrethuar e kontrolluar fshatrat: Krilevë, Strezoc, Gragjenik, Leshtar, Rahovicë, Koretin, Topanicë, Hogosht, Kopernicë, Shipashnicë, Muçivërc, Karaçevë, Roganë, Hodonoc, Petrit, si dhe fshatrat tjera të Malësisë.

I vetmi faj i tyre ishte që ishin shqiptarë. Ajo ditë tregoi fuqinë e jonjerëzorës mbi i njerëzoren tek njeriu, duke i sulmuar të pafajshmit, ata më nuk ishin njerëz gjithçka tjetër po, pos njerëz jo. Por, shpresa e popullatës nuk ishte e humbur kurrë për një ditë të lirë që nuk do të ishte larg është thënë në këtë akademi raporton rajonipress.

Në ketë akademinë përkujtimore salla e Shtëpisë së Kulturës “ Isa Kastrati” ishte e mbushur plotë me qytetarë, të pranishëm ishin edhe pjesëtarët familjeve të dëshmorëve, martirëve, veteranët e luftës, këshilltar komunal, dhe struktura komunale përfaqësues të partive politike.

“Ky përvjetor na përkujton edhe një herë se sa e dhimbshme dhe njëkohësisht sa e rëndë dhe e vështirë ka qenë përpjekja dhe lufta e gjatë për liri e popullit të Kosovës. Vepra e madhe dhe sakrifica sublime e dëshmorëve të kombit është një udhërrëfyes për çdo veprim të institucioneve tona. Kujtimi për ta do të ketë kuptim vetëm nëse Shteti і Republikës së Kosovës, ëndrra dhe synimi i tyre kulmor do të zhvillohet e forcohet ashtu siç e kanë dëshiruar ata dhe siç e synojmë ne, vazhduesit e projektit për shtetin e ri, që synon edukimin, punësimin dhe zhvillimin duke ecur krah me botën e përparuar, tha kryetari Sinani në fjalën e tij.

Sinani përmendi listën e të vrarëve në atë ditë, dëmet e shkaktuara materiale, plaçkitjet nga forcat policore e paraushtarake serbe. Sinani ndër tjerash tha se u bëjmë me dije se ne do të vazhdojmë të kërkojmë akteret e këtyre vrasjeve, plaçkitjeve, dhunës, tek të gjithë organizmat vendor dhe ndërkombëtar, dosja dhe hetimet, materialet dhe faktet do tu drejtohen drejtësisë.

Më fjalë rasti u paraqit edhe ish deputeti i Kuvendit të Kosovës, Zenun Pajaziti, drejtoresha e Drejtorisë për Kulturë Rini dhe Sport, Venera Dërmaku – Rexha, aktivisti e poeti nga Gjilani, Sabit Rrustemi, ndërsa në emër të familjeve të dëshmorëve u foli Selatin Ismajli.

Të gjitha diskutimet kishin perceptimet e tyre për at ditë tmerri dhe ankthi që e përjetoi popullata e komunës sonë.

Në pjesën kulturore artistike me pika u paraqiten : Minavere Syla, melodi instrumentale, Eriola Ismajli poezi, Dorlir Canaj, dhe një pikë me flaut e ekzekutuar nga Urata Ahmetaj./rajonipress/