Kamenica nënshkruan marrëveshje me “Eco – Higjiena”

Kamenicë – Sot kryetari i komunës Begzad Sinani në një takim ka pritur përfaqësuesit e ndërmarrjes publiko – private “Eco Higjiena”, ku njëherit kanë nënshkruar edhe marrëveshjen për menaxhimin e mbeturinave në komunën e Kamenicës.

Kjo marrëveshje u nënshkrua pas marrjes së vendimit nga ana e Kuvendit komunal që KRM “Higjiena”-njësia në Kamenicë t`i bashkohet partneritetit publiko-privat “Eco Higjiena”.

“Eco – Higjiena” pas suksesit që ka treguar në Gjilan e Viti tani ka shtrirë rrjetin dhe aktivitetin zyrtarisht edhe në Komunën e Kamenicës. Bajram Isufi drejtor ekzekutiv tha se “Eco-Higjiena” po tregohet storie e suksesit dhe ne do të bëjmë çmos që edhe Kamenica të menaxhohet profesionalisht dhe ta kthejmë edhe këtë qytet në një ambient të pastër e të shëndosh për qytetarët”./rajonipress/