Kamenica me investimet e Bashkimit Evropian bëhet edhe më e bukur

Gjilan – Kryetari i komunës së Kamenicës, Shaip Surdulli, falënderoj për investimin jo vetëm të këtij projekti, por edhe të projekteve të tjera që kanë kryer në komunën e Kamenicës nga ana e Bashkimit Evropian. Ai tha se këtë projekt që e kemi propozuar para dy viteve, besoj se ishte i arsyeshëm. Realizimi i këtij projekti e ka zbukuruar Kamenicën, jo vetëm nga pamja, por edhe nga dobia për shfrytëzim nga qytetarët tanë, si nga pleqtë, fëmijët dhe të rinjtë, obligimi i jonë mbetet që të kujdesemi për mirëmbajtjen e ambientit, ulëseve të ndriçimit, lojërave etj.

Në komunën e Kamenicës, të martën është bërë inaugurimi i projektit “Ndërtimi i shtigjeve për këmbësorë përgjatë shtratit të lumit“ Kriva Reka”, raporton rajonipress.

Në këtë inaugurim të pranishëm ishin edhe Christof Stock, udhëheqës i operativës, Zyra e Bashkimit Evropian në Kosovë, Jorge Baca, Shef i Misionit të i IOM-it, në Kosovë, Shaip Surdulli, Kryetar i komunës së Kamenicës, përfaqësues të tjerë nga institucionet tjera komunale, si dhe qytetarë të komunës së Kamenicës.

Christof Stock, udhëheqës i operativës, Zyra e Bashkimit Evropian në Kosovë, tha se nuk është hera e parë që po inaugurojmë projekte të rehabilitimit këtu në komunën e Kamenicës. Ju kujtohet që kemi pasur edhe vitin e kaluar përurimin e shtratit të përroit të Rubocit, këto dy projekte tregojnë se si ne mund të kontribuojmë në ngritjen e bukurisë së qytetit tuaj dhe rrethinës.“Projekti “Kosova e bukur” nuk është projekti që zbukuron vetëm komunat në Kosovë, por është edhe skemë e punësimit, ku në kuadër të këtij projekti janë punësuar shumë banorë të komunës tuaj” ka thënë Stock

Kurse, Jorge Baca, Shef i Misionit të IOM-it, në Kosovë u shpreh se Kamenica dita ditës po bëhet një komunë e bukur, sepse ky është një projekt i madh me kontributin e BE-së, derisa shuma e përgjithshme e projektit është 196 mijë e 898 euro, por edhe me kontributin e komunës në 10 % prej shumës së përgjithshme. Ky projekt nuk është bërë vetëm me parat e tatimpaguesve të Evropës, por edhe me parat e tatimpaguesve të Kosovës “.

“Gjatë këtij projekti janë krijuar 95 vende të reja të punës afatshkurtër, 89 persona janë punësuar nga numri i gjithëmbarshëm nga enti për punësim, 40 të rinj kanë qenë të punësuar në këtë projekt dhe kjo është tejet e rëndësishme, 24 kanë qenë nga grupet e minoriteteve, 7 kanë qenë femra dhe 2 nga personat me aftësi të kufizuara. Projekti është 2.2 km i gjatë por në dy anët që bëjnë 4.4 km i gjatë “ ka thënë Baca.

Kryetari i komunës së Kamenicës, Shaip Surdulli, falënderoj për investimin jo vetëm të këtij projekti, por edhe të projekteve të tjera që kanë kryer në komunën e Kamenicës.

Ai tha se këtë projekt që e kemi propozuar para dy viteve, besoj se ishte i arsyeshëm. Realizimi i këtij projekti e ka zbukuruar Kamenicën, jo vetëm nga pamja, por edhe nga dobia për shfrytëzim nga qytetarët tanë, si nga pleqtë, fëmijët dhe të rinjtë, obligimi i jonë mbetet që të kujdesemi për mirëmbajtjen e ambientit, ulëseve të ndriçimit, lojërave etj.

Ky projekti është financuar nga Zyra e Bashkimit Evropian në Kosovë, Ministria e Punës dhe Mirëqenies Sociale dhe implementuar nga Organizata Ndërkombëtare për Migrim ( IOM)

Në fund u bë zbulimi i pllakës dhe prerja e shiritit nga Christof Stock, udhëheqës i operativës, Zyra e Bashkimit Evropian në Kosovë, Jorge Baca, Shef i Misionit të i IOM-it, në Kosovë dhe Shaip Surdulli, Kryetar i komunës së Kamenicës.

Po ashtu është bërë edhe një shëtitore përgjatë lumit “ Kriva Reka”./rajonipress/