RCCOLA

Kamenica formon komisionin për ndarjen e banesave sociale

/ 2 minuta lexim

Gjilan – Në seancën e së premtes këshilltarët komunal të Kamenicës kanë formuar komisionin për ndarjen e banesave sociale si dhe kanë aprovuar vendimin për lejimin e mjeteve financiare në shumë prej 5.170,00 € për një vizitë të nxënësve të Gjimnazit “Ismail Qemali” në Turqi.

Të premten është mbajtur seanca e pestë e kuvendit komunal në Kamenicë. Në këtë seancë kuvendarët miratuan raportin e punës të Zyrës së Prokurimit për vitin 2012, propozim-Vendimin për lejimin e mjeteve financiare në shumë prej 5.170,00 € për një vizitë të nxënësve të Gjimnazit “Ismail Qemali” në Turqi, dhe raporti dhe kërkesa e Komisionit për zgjedhjen e këshillave lokale.

Rreth formimit të Komisionit për ndarjen e banesave sociale shefi i grupit të LDK-së Jeton Biqkaj, propozoj që në këtë komision të jetë Rexhep Morina, ndërkaq, Bajram Dërmaku, shef i grupit të PDK-së, propozoj Enver Morinën.

UBT

Në këtë komision anëtarë do të jetë edhe kryetari i OVL të UÇK-së, ndërkaq, Dragisha Saviq, u propozuar nga Kryetari i Komitetit për Komunitete Zhivojin Milkoviq, kurse nga administrata anëtarë do të jenë Rifat Hajdari dhe Magbule Canaj, edhe kjo pikë e rendit të ditës u miratua.

Kuvendarët janë marrë edhe me plotësimin e Komitetit për Politikë dhe Financa dhe Komitetin për Komunitete me anëtar të rinj. Shefja e grupit të AAK-së Shqipe Berisha-Maliqi, propozoj që anëtarë i Komitetit për Politikë e Financa të jetë delegati Satmifer Kryeziu, kurse, shefi i grupit të LDK-së, Jeton Biqkaj, propozoj që anëtarë i Komitetit për komunitete të jetë delegatja Minivere Maka.

Në mënyrë unanime u miratua edhe kërkesa e Organizatës së Veteranëve të Luftës së Ushtrisë Çlirimtare të Kosovës, e cila ka të bëjë me rregullimin e platos së bustit të dëshmorit Besnik Maroca./rajonipress/