Kamberi dridh parlamentin e Serbisë: Nuk do të gjunjëzohemi për të drejtat në Luginë

Deputeti popullorë në Parlamentin e Serbisë, Shaip Kamberi ka reaguar ndaj deklaratës së zëvendëskryeministrit Ivica Daçiq i cili mes tjerash tentoi të tregoj se shqiptarët e Luginës kanë “10 herë më shumë të drejta se sa që duhet”, shkruan Titulli.com.

Kamberi duke folur për të drejtat e shqiptarëve në Luginë të Preshevës potencoi se nuk do të gjunjëzohemi për të drejtat e shqiptarëve në Luginë tw Preshevws.

“Pa marrë parasysh nëse do të ketë më shumë ose më pak para, më shumë ose më pak të drejta, ne nuk do të gjunjëzohemi deri në realizimin e të drejtave të shqiptareve të Luginës së Preshevës në bazë të standardeve Evropiane”, tha mes tjerash deputeti Kamberi në seancën e sotme të kuvendit të republikës së Serbisë.

Ai gjithashtu drejtoi pyetje ministres Jadranka Joksimoviq, e ngarkuar për integrime evropiane në qeverinë e Serbisë, transmeton Titulli.com.

“Përmendët se është ndërmarrë iniciativa për fondet evropiane “IPA” për bashkëpunime ndërkufitare me Maqedoninë ndërsa nuk keni përmendët se çfarë është bërë më iniciativën për hapjen e vendkalimit të vogël kufitarë në Llojan-Miratoc, që duhet të jetë parakusht për këtë bashkëpunim”, pyeti deputeti Kamberi ministren për integrime evropiane Joksimoviq./Titulli.com/