Kamberi dhe Hasani takojnë përfaqësuesit e Lëvizjes “Vatra”

Kryetari i Lëvizjes Qytetare “Vatra” së bashku me Koordinatorin e ZPMB-së, z.Flamur Junuzi, u takuan me Kryetarin e Komunës së Bujanocit z.Shaip Kamberi. Pjesë e takimit ishin edhe deputeti i popullit z.Fatmir Hasani si dhe përfaqësuesi i malësisë së Bujanocit z.Arsim Krasniqi dhe anëtari i kryesisë së Lëvizjes Vatra z.Emrush Tahiri.

Në këtë takim u diskutuan procesi i rrugës ‘Muhoc-Zarbincë’ si dhe problemet me dokumente identifikimi dhe pasivizimi i vendbanimeve të qytetarëve të malësisë së Bujanocit. Kryetari Kamberi njoftoi Kryetarin e Lëvizjes Vatra për procesin që është duke u zhvilluar në projektin e rrugës, njëherit e njoftojë edhe me masat që i ka ndërmarrë komuna për ta kthyer të drejtën e pronës dhe shtetësisë tek qytetarët e malësisë së Bujanocit.

Kryetari i Lëvizjes Vatra falënderoj Kryetarin e Komunës së Bujanocit dhe Deputetin e Popullit z.Fatmir Hasanin për angazhimin, seriozitetin dhe punën e palodhshme që janë duke e treguar me qytetarët e malësisë së Bujanocit. Falënderuan Kryetarin e Komunës për intervenimin emergjent në malësinë e Bujanocit duke hapur rrugët nga dëbora me një intervenim të shpejtë dhe të suksesshëm.

Takimi u përmbyll duke falënderuar z.Shaip Kamberin që asnjëherë nuk e harron malësinë e Bujanocit dhe qytetarët e saj./rajonipress/