Kamberi: Beogradi fajin e vetë po ua hedh politikanëve për situatën në Luginë

Bujanoc – Politika perfide që po udhëhiqet nga Beogradi ndaj shqiptarëve po tenton dikush, fatkeqësisht edhe disa medie, që për situatën e rëndë të shqiptarëve në Luginë të Preshevës t’i fajësojë skenën politike shqiptare ka deklaruar Shaip Kamberi, kryetar i PVD-së në Bujanoc për « Presheva Jonë »

« Në të vërtetë, përmes kësaj politike Beogradi po tenton shfajësimin e vet për mospërmbushjen e obligimeve ndaj shqiptarëve që burojnë nga plani qeveritar i vitit 2001 apo edhe nga Deklarata e Konçulit, dhe kjo për shkak të mungesës së vullnetit politik në secilën qeveri që i ka prirë Serbinë nga përfundimi i konfliktit të armatosur. » ka shtuar Kamberi

Vet Plani qeveritar i Serbisë nga vitit 2001, e obligon Beogradin në ndërmarrjen e masave konkrete dhe emergjente në sferën e integrimit të shqiptarëve, zhvillimit ekonomik dhe ajo e para të zgjidhjes paqësore të konfliktit të 2001- ës. Për të anashkaluar mospërmbushjen e obligimeve të veta, Beogradi po tenton që fajin kryesor t`ia vëje shqiptarëve apo politikës shqiptare ne Luginë. »