Kaltrina Neziri përfaqëson Kosovën në “Miss Earth 2015” në Austri

Në këtë garë botërore të bukurisë, Kosovën do ta përfaqësoj bukuroshja Kaltrina Neziri. Vajza nga Lipjani është fituese e “Miss Earth Kosova 2014”, e cila vitin e kaluar për shkak të mos dhënies së vizës nuk pati mundësi të përfaqësoj Kosovën në Filipine.

Kaltrina më përvojën e saj si modele, po ashtu edhe në spektaklet e bukurisë, është e përgatitur për të përfaqësuar sa më denjësisht Kosovën.

“Gjithçka që është kërkuar nga organizatorët e “Miss Earth”, i kam përfunduar. Aktualisht po merrem vetëm më përzgjedhjen e garderobës sime më të cilat do të i kryej të gjitha aktivitetet e mia 20 ditore në Vjenë. Për fustanin e finales dhe veshjen tradicionale do të përkujdeset “Menakon”, ndërsa për fustanet tjera të nevojshme kujdesen : “Agnesa Vuthaj Fashion Store” dhe “V&K Fashion Designers ”, ka thënë 24 vjeçarja për “albinfo.ch”.

Ajo është e lumtur që ka fatin të përfaqësoj shtetin e Kosovës.

“Për mua një privilegj shumë i madh dhe po ashtu jam e kënaqur që më mundësohet për herë të dytë të jam “Miss Earth Kosova” dhe do të mundohem të përfaqësoj vendin tonë në mënyrë më dinjitoze”, shprehet Kaltrina e cila është e diplomuar në fakultetin ekonomik.

Kaltrina këto ditë në bashkëpunim me “ProCon Group” e cila menaxhohet nga Ardiatik Kelmendi dhe Ilir Brahimi kanë realizuar një video projekt për ekologjinë e Kosovës, e cila video pritet të lansohet shumë shpejt.

Për të votuar për Kaltrinen për çmimin “Miss Earth Fotogjenia 2015” mund ta bëni duke klikuar në këtë link:voto