Kaltrina Fazliu Selimi i bashkohet PDK-së dhe listës garuese për Asamblenë Komunale në Gjilan

Gjilan – Sot kam kënaqësinë të prezantoj me shumë respekt dhe besim një emër të ri që i shtohet ekipit tonë Kaltrina Fazliu Selimi, e cila zyrtarisht ka aderuar në Partinë Demokratike të Kosovës dhe do të jetë kandidate për Asamblenë Komunale të Gjilanit ka shkruar Riad Rashiti.

Postimi i plotë:

Kaltrina është profesioniste me përgatitje në Shkencat Diagnostike Dega Teknik Laboratori, dhe për vite me radhë ka dhënë kontribut në menaxhimin e brendshëm të një kompanie të njohur private, ku është vlerësuar për korrektësi, përkushtim dhe profesionalizëm.

Ajo është gjithashtu aktive për Barazi Gjinore në Komunën e Gjilanit, duke qenë zë i fuqishëm për avancimin e grave në shoqëri dhe institucione.

Me këtë hap drejt përfaqësimit politik, Kaltrina vjen me vizion të qartë, ide konkrete dhe projekte reale për zhvillimin e Gjilanit. Ajo synon të jetë zëri i qytetarëve, i grave, i të rinjve dhe i të gjithë atyre që kërkojnë ndryshim të prekshëm e të ndershëm në jetën publike të qytetit tonë.

E mirëpresim Kaltrinën në familjen tonë politike dhe i urojmë suksese në këtë rrugëtim përfaqësues.

Së bashku, po ndërtojmë ekipin që do t’i japë Gjilanit një drejtim të ri./rajonipress