Kalon 5 700 km këmbë nga Bosnja deri në Mekë

Mekë – Senad Haxhiq quhet myslimani nga Bosnjë e Hercegovina, i cili përshkoi rreth 5 700 kilometra në këmbë për gati 10 muaj nga vendlindja e tij për të mbërritur në Mekë, në qytetin e shenjtë islamik.

Udhëtimi i tij ka nisur në muajin dhjetor të vitit 2011 për të marrë pjesë në pelegrinazhin që zhvillohet çdo vit në Mekë. Haxhic ka përshkruar mjaft vende për të mbërritur në destinacion, ndërsa ka shkelur edhe në Siri, edhe pse pre shumë muajsh ky vend është i përfshirë në luftë, transmeton Panorama.

“Kam mbërritur sot në Mekë. Nuk jam i lodhur. Këto janë ditët më të bukura të jetës time. Do t`u shpërndaj çokollata fëmijëve. Falënderoj Allahun që më ka mundësuar të arrij në Mekë para afatit të haxhit, më 25 tetor. Kam ecur në emër të Allahut, për Islamin, për Bosnje-Hercegovinën, për prindërit dhe motrën time”, deklaroi rekordmeni me të mbërritur në Mekë.