Kaloi ilegalisht kufirin Serbi – Kosovë, ndalohet një i dyshuar në Novosellë të Kamenicës

Kamenicë – Policia e Kosovës ka ndaluar një mashkull kosovar në fshatin Novosellë të Kamenicës, nën dyshimin se me automjet ka kaluar në mënyrë ilegale kufirin ndërmjet Serbisë dhe Kosovës.

Sipas njoftimit zyrtar të Policisë së Kosovës, i dyshuari është intervistuar nga organet kompetente, ndërsa pas përfundimit të procedurave fillestare, me vendim të prokurorit të rastit, ai është liruar.

Rasti do të trajtohet në procedurë të rregullt, ndërkohë që hetimet lidhur me rrethanat e kalimit ilegal të kufirit do të vazhdojnë. Policia ka bërë të ditur se mbetet e përkushtuar në parandalimin dhe trajtimin e veprave penale që cenojnë rendin dhe sigurinë kufitare./rajonipress/