Kafjalli më i shëndetshëm në botë

Ditën duhet filluar me një kafjall të fortë që ju dhuron energjinë e duhur për t’i përfunduar të gjitha obligimet e vogla e të mëdha.

Pas një kafjalli të shëndetshëm jemi të ngopur, plot me elan, por kafjalli i mirë do të thotë se janë konsumuar të gjitha materiet ushqyese që i nevojiten trupit për të funksionuar në mënyrë normale,transmeton gazeta Kosova Sot.

PËRBËRËSIT E NEVOJSHËM:

1 jogurt; 1 lugë uthull molle; 1 lugë mjaltë; 50 gramë arra të copëtuara imët; 30 pika propolisi; 3 lugë flluska; Pemë të thata; Gjysmë luge kanellë.

PËRGATITJA: Pektina është lloj i fibrave që e hasim nëpër bimë. Për këtë ushqim, më së miri është të përdorni pektinën nga mollët, sepse i thith yndyrat dhe përmirëson punën zorrës së trashë. Mund ta blini në barnatore, por edhe ta fitoni duke shtypur mollët. Një natë para se ta konsumoni, përzieni jogurtin me pektinë dhe i lini në frigorifer.

Në mëngjesin vijues shtoni të gjithë përbërësit e lartpërmendur dhe i përzieni mirë. E lini disa minuta të qëndrojë në temperaturën e dhomës, derisa të lidhen mirë përbërësit dhe të mos jenë të ftohtë. Më pas i konsumoni.

(Kosova Sot)