Kafiteria e serbit nga Kufca punonte pa dokumente përkatëse, policia heton rastin

Gjilan – Ankuesi Serb shtetas i Kosovës ka paraqitur një ankesë se në një kafiteri në fshatin Kufcë ka zhurmë në orët e vona të natës dhe paraqet pengës për banorët që jetojnë aty.

Policia e Kosovës njësitet sektoriale nga stacioni policor i Novobërdës kanë dalë në vendin e ngjarjes, dhe kanë konstatuar gjendjen faktike ku është gjetur se ka zhurmë, por edhe i janë kërkuar dokumente për orarin e zgjatur.

Gjatë verifikimit të dokumenteve që i ka ofruar pronari i kafiterisë dyshohet se ato dokumente janë jo legjitime. Policia e Kosovës nga Novobërda në vazhdën e hetimeve të lidhura me këtë rast me 12 shkurtë 2018 ka intervistuar në cilësinë e të dyshimtit edhe njërin nga Zyrtarët komunal nga Novobërda dhe janë gjetur dëshmi të qëndrueshme se dokumenti në fjalë nuk është lëshuar në mënyrë legjitime.

Lidhur me rastin është njoftuar Prokurori i shtetit të cilit i janë prezantuar dëshmitë e rastit në fjalë. Rasti referohet për hetime të mëtejme njoftoj policia e Kosovës./rajonipress/