Kafeja e mirë edhe për të pastruar lëkurën

Në mëngjes, një nga mendimet e para është kafeja. Një nga pijet që konsumohet më shumë në të gjithë botën. Jo vetëm që është e mirë për tu pirë, por është edhe një aleat I shkëlqyer për lëkurën.Kushdo mund të shfrytëzojë kokrrat e kafesë, ose edhe pluhurin e saj për të realizuar produkte natyrale për të aplikuar në fytyrë dhe trup.

Dihet tashmë se kafeina bën shumë mirë për lëkurën si dhe e zbut atë. Me shumë pak përbërës ju mund të përgatisni disa produkte të shkëlqyera për lëkurën në bazë të së cilave është pikërisht kafeja. Në këtë mënyrë do të keni një lëkurë të përgatitur për ekspozim në diell të shëndetshme dhe me shkëlqim.

Produktet e bëra vetë.

Ju mjafton kafe në pluhur, ajo e përdorur për ekspresin, dhe pak vaj ulliri. Pasi ti keni përzier së bashku, mund ti shtoni edhe pak vaj esencial livandoje. Ky skrab i bërë vetë aplikohet në fytyrë duke e masazhuar për disa minuta e më pas e shpërlani me ujë të vakët.

Ndërsa një skrab për trupin mund ta realizoni me pluhurin e kafesë, së cilës i shtohet sheqer i kuq, gjysmë gote vaj ulliri, një lugë çaji kanellë, si dhe një majë luge çaji arrë moskat. Kjo përzierje është një ilaç i vërtetë. Përdoret përpara dushit.

Provojini, janë të thjeshta dhe pa shumë shpenzime.a.h/noa