Kafeina duhet të kufizohet me ligje të ashpra

Kafeina është aq e rrezikshme dhe po konsumohet në sasi të mëdha ndaj ekspertët pretendojnë se përdorimi i saj duhet të rregullohet me ligj.

Dr Jack James thotë se ky stimulues po shkakton “vdekje të parakohshme” ndërkohë që dëmi i tij po nënvlerësohet.

Dr James, Kryeredaktor i Revistës për Hulumtime të Kafeinës dhe drejtor i Departamentit të Psikologjisë në Universitetin e Rejkjavikut në Islandë, thotë se ai është i shqetësuar lidhur me përdorimin e substancave të ngjashme si pijet energjike, pijet alkoolike dhe ilaçet.

“Si rezultat, shumica nga ne pa dashur konsumojmë më shumë se që ne mendojmë – pa u shqetësuar për shëndetin tonë dhe të shoqërisë në përgjithësi”, thotë ai.

Doktori beson se rreziku nga kafeina për shëndetin tonë është aq i madh sa që këto produkte do të duheshin të kufizoheshin, njësoj si cigaret dhe alkooli.

Ai thotë se veçanërisht fëmijët do të duhej të ishin të mbrojtur.

Po sipas hulumtimit të Dr James, kafeina gjendet në çaj, në pijet e gazuara, në pije energjike, ujë në shishe, pije alkoolike, biskota, çamçakëze, kos, qumësht dhe salcë.

Ai tregon se sasi e kafeinës është gjetur edhe në hapat kundër gripit, pilulat për humbje peshe, produktet kozmetike, sapunë e madje edhe në triko që mundësojnë rënien në peshë.

Edhe më shqetësuese thotë ai, është fakti se kafeina përdoret si një “dobësues” në drogat e paligjshme, ndërkohë që tregu i kafeinës nuk kontrollohet.