Kadriu: Vetëm një ditë në vit është pak për të shpërblyer punën e njerëzve të dijes

Gjilan – Me rastin e Ditës së Mësuesit – 7 Marsi, kryetari i AAK-së në Gjilan dhe njëherit nënkryetar i komunës Rexhep Kadriu, në emër të të gjithë strukturës së tij, uron të gjithë mësimdhënësit anë e mbanë Kosovës, e në veçanti ata të komunës së Gjilanit.

“Duke iu falënderuar për punën e madhe që e bëni në arsimimin dhe edukimin e brezave, në dhënien e dijes dhe orientimin e fëmijëve tanë drejt rrugës të së ardhmes, ju urojë Ditën e Mësuesit-7 Marsin. Vetëm një ditë në vit është pak për të shpërblyer punën e të gjithë dhënësve të dijes, por shpresojë që ky përkushtim dhe ky angazhim të vazhdojë edhe më tutje, natyrisht në bashkëpunim edhe me nxënës, prindër e institucione komunale”, ka thënë Kadriu.

Kadriu njëherit ka uruar edhe mësimdhënësit brenda strukturës së tij, duke i falënderuar për punën dhe angazhimin e tyre./rajonipress/