Kadriu: Të respektohen investitorët e huaj dhe marrëveshjet në rastin e “Eco – Higjienës”

Gjilan – Qysh nga fillimi i nënshkrimit të marrëveshjes për partneritet ndërmjet komunës dhe partnerit privat Austriak ka pas hile në ketë punë dhe sot e asaj dite këto hile po vazhdojnë dhe ne si institucione si lokale dhe qendrore duhet të kemi kujdes sa i përket investitorëve të huaj dhe ne duhet të japim shembullin më të mirë të respektimit të marrëveshjeve, por e njëjta vlen edhe për kompaninë “Mozer Group” thotë Rexhep Kadriu aktualisht zëvendësministër në Ministrinë e Infarstrukturës dhe ish nënkryetar i komunës së Gjilanit.

Kadriu tha se kontrata duhet të respektohet në plotni dhe duhet të ulen tensionet mes palëve dhe të ulen të i zgjidhin ato me negociata sepse fundi i fundit ashtu shkruan edhe në kontratë. “Është mëkat që Komuna e Gjilanit e cila shquhet me siguri dhe si qytet i vlerave të jep shembull të keq për investitorët e huaj. Ka ardh koha për një tryezë të përbashkët mes komunës dhe “Eco – Higjienës”, që të tejkalohen problemet e mos të pësojnë qytetarët dhe punëtorët të cilët me djersen e tyre nga ora 06 e mëngjesit nisin punën për një Gjilan më të pastërtë” tha Kadriu.

Kadriu tha se institucionet qendrore në këtë rast Qeveria e Kosovës është gatshme nëse kërkohet nga komuna që të mundësoj tejkalimin e gjendjes së krijuar./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).